Palijenku zatrymali paśla 2 dzion na voli i adpravili na novyja «sutki»

27.07.2020 / 19:15

Źmicier Palijenka. Fota: PC «Viasna»

27 lipienia ŭ Minsku znoŭ zatrymali aktyvista Źmitra Palijenku. Viadoma, što dniom jon pajšoŭ u RUUS Pieršamajskaha rajona Minska dla «adznaki», jak heta jon abaviazany rabić, bo adbyvaje pakarańnie ŭ vyhladzie «chatniaj chimii», paviedamlajuć pravaabaroncy.

Pa infarmacyi ad jaho žonki Anastasii Palijenka, z RUUS Źmicier paśpieŭ patelefanavać baćku i paviedamić, što aryštavany na 15 sutak, jakija jamu prysudzili raniej. Taksama jana paviedamiła, što Źmicier prasiŭ baćku zabrać jahonyja rečy z RUUS, jakija jamu nie dali ŭziać z saboj na «sutki».