У пінскім пяціпавярховіку выбухнуў газ
19.07.2020 / 14:16
Паводле інфармацыі тэлеграм-канала Следчага камітэта, 19 ліпеня каля 10-й гадзіны ў кватэры на другім паверсе пяціпавярховага шматкватэрнага дома ў Пінску адбыўся выбух бытавога газу.
У выніку пашкоджана маёмасць у памяшканні. Гаспадар кватэры і суседзі не пацярпелі.
СК нагадвае: калі Вы адчулі пах газу ў кватэры, паведаміце пра гэта ў аварыйную службу газавай сеткі па тэлефоне 104.