Сёння вечарам у Клайпеду прыбудзе танкер з амерыканскай нафтай
05.06.2020 / 10:34
Прыбыццё танкера з амерыканскай нафтай для Беларусі ў Клайпеду чакаецца ўвечары 5 чэрвеня, паведаміў журналістам прэс-сакратар канцэрна «Белнафтахім» Аляксандр Цішчанка, піша БЕЛТА.
Танкер выйшаў з порта Beaumont (Тэхас) 16 мая. З клайпедскага порта на «Нафтан» транспарціроўка будзе ісці па чыгунцы, гэта зойме каля 1,5 тыдня.
Танкер даставіць 80 тысяч тон амерыканскай нафты гатунку Bakken. Гэта будзе 12-ы танкер з альтэрнатыўнай нафтай для Беларусі з пачатку года.