Беларуская калійная кампанія будзе пастаўляць у Кітай калійныя ўгнаенні па 220 даляраў
30.04.2020 / 18:51
Беларуская калійная кампанія заключыла новы кантракт з Кітаем на пастаўку калійных угнаенняў па цане 220 даляраў за адну тону, паведамілі ў прэс-службе БКК.
У папярэдні кантракт была закладзена цана 290 даляраў за адну тону.
Цэны на калійныя ўгнаенні летась знізіліся на фоне затаваранасці складоў дыстрыб'ютараў, і сёлета калій таннее разам з іншымі сыравіннымі таварамі.
Калійная кампанія адзначае негатыўны ўплыў пандэміі на рынак угнаенняў. Яна таксама закранула лагістычныя ланцужкі, падарвала рэгулярнасць паставак.