Крамы Apple зачыніліся ва ўсіх краінах, акрамя Кітая
14.03.2020 / 15:49
З 14 па 27 сакавіка кампанія Apple закрывае ўсе свае афлайн-крамы з-за каранавіруса. Пра гэта паведамляе генеральны дырэктар Apple Цім Кук у Twitter.
Паводле яго слоў, гэта ўклад кампаніі ў барацьбу з глабальным распаўсюджваннем новага каранавіруса, «паколькі найлепшы спосаб супрацьстаяць пандэміі — абмежаваць кантакты і паменшыць перасоўванне людзей».
Характэрна, што на тэрыторыі мацерыковага Кітая крамы будуць працягваць працаваць. Верагодна, гэта звязана з тым, што сітуацыя з каранавірусам там стабілізавалася, таму бізнэс разглядае Кітай зараз як найбольш бяспечны рэгіён.