U Niamieččynie zafiksavany pieršyja śmiarotnyja vypadki ad karanavirusa
09.03.2020 / 19:44
U Niamieččynie žychar akruhi Chajnśbierh (fiederalnaja ziamla Paŭnočny Rejn — Viestfalija) pamior ad chvaroby, vyklikanaj novym karanavirusam, heta pieršy latalny vypadak u krainie. Pra heta paviedamlaje dw.com.
Paźniej ahienctva DPA paviedamiła jašče pra adnu achviaru — 89-hadovuju žycharku horada Esen. Virus u jaje dyjahnastavali ŭ minuły aŭtorak, jana była špitalizavana, jaje stan imkliva paharšaŭsia.
Kolkaść zaražanych karanavirusam u Hiermanii pa stanie na paniadziełak pieravysiła 1000 čałaviek.