У Італіі каранавірусам інфікаваны яшчэ адзін кіраўнік рэгіёна
08.03.2020 / 16:04
Кіраўнік італьянскага рэгіёна П'емонт Альберта Чырыа здаў станоўчы вынік на каранавірус, стаўшы другім рэгіянальным прэзідэнтам, які захварэў за апошнія 24 гадзіны, паведамляе RAI.
Чырыа заявіў, што ў яго няма сімптомаў хваробы, але цяпер ён будзе знаходзіцца дома ў ізаляцыі з жонкай і двума дзецьмі.
У суботу стала вядома аб тым, што каранавірус выявілі ў кіраўніка рэгіёна Лацыё Ніколы Дзынгарэцці.
Паводле апошніх звестак, колькасць інфіцыраваных у Італіі перавысіла 5000 чалавек, памерлі 233 пацыенты.