Bił Klintan patłumačyŭ raman z Monikaj Levinski
07.03.2020 / 08:36
Były prezident ZŠA Bił Klintan nazvaŭ adnosiny z Monikaj Levinski «niedaravalnaj pamyłkaj». Pra heta jon raspavioŭ u dakumientalnym filmie pra svaju žonku Chiłary Klintan, piša Metro.
Palityk patłumačyŭ, što raman z 22-hadovaj dziaŭčynaj byŭ dla jaho sposabam adpačyć ad pracy. Pa słovach Klintana, praca prezidentam ZŠA — heta «boj na 15 raŭndaŭ, jaki raściahnuŭsia na ŭsie 30». Jon dadaŭ, što adnosiny ź Levinski stali adnym z učynkaŭ, jakija jon ździajśniaŭ, kab spravicca sa svaimi prablemami na praciahu mnohich hadoŭ.
Pa słovach byłoha kandydata ŭ prezidenty ZŠA ad Demakratyčnaj partyi Chiłary Klintan, zdrada muža stała dla jaje mocnym udaram. «Mnie było vielmi baluča, ja prosta nie mahła pavieryć, nie mahła pavieryć, što jon mnie chłusiŭ», — skazała jana.