Лукашэнка: Беларусь хоча ўдзельнічаць у стварэнні асаблівай эканамічнай зоны Суэцкага канала
19.02.2020 / 17:32
ppresident.gov.by
Беларусь зацікаўлена ўзяць удзел у стварэнні асаблівай эканамічнай зоны Суэцкага канала, заявіў у Каіры Аляксандр Лукашэнка ў сераду.
«Для Беларусі вялікую цікавасць мае ўдзел у маштабных праектах, ініцыяваных егіпецкім кіраўніцтвам, перш за ўсё ў стварэнні асаблівай эканамічнай зоны Суэцкага канала, арыентаванай на экспарт», — сказаў Лукашэнка па выніках перагавораў у Каіры з прэзідэнтам Егіпта Абдэль Фатах ас-Сісі.
Гэтым пытанні бакі надалі асаблівую ўвагу падчас перамоваў, праінфармавалі ў прэс-службе.