Білі Айліш выпусціла песню да новага фільма пра Джэймса Бонда ВІДЭА
14.02.2020 / 06:24
Амерыканская поп-зорка Білі Айліш выпусціла тытульную песню для новага фільма бандыяны «Не час паміраць» (No Time to Die). Трэк размешчаны на YouTube-канале спявачкі.
Айліш, якая напісала песню разам са сваім братам Фінеасам О'Конэлам, стала самай маладой (ёй 18) выканаўцай музычнай тэмы ў гісторыі франшызы.
«Не час паміраць» выйдзе на экраны 9 красавіка. Рэжысёрам стужкі выступіў Кэры Фукунага, а галоўныя ролі сыгралі Дэніэл Крэйг, Леа Сейду, Рамі Малек, Крыстаф Вальц і Ана дэ Армас.