Невядомыя на ўседарожніку спрабавалі прарвацца ў рэзідэнцыю Трампа
31.01.2020 / 22:08
Паліцыя затрымала двух чалавек пасля таго, як уседарожнік спрабаваў прарвацца ў рэзідэнцыю прэзідэнта ЗША Дональда Трампа Мар-а-Лага, паведамляе NBC Miami.
Машына праламала загароды на двух кантрольна-прапускных пунктах. Паліцэйскія адкрылі агонь, калі аўтамабіль спрабаваў з'ехаць з месца здарэння.
У выніку паліцыя затрымала двух чалавек.
Дональд Трамп і першая лэдзі павінны адправіцца ў Мар-а-Лага сёння днём.