Зяленскі адправіць на месца крушэння самалёта ў Іране ратавальнікаў
08.01.2020 / 20:06
У сераду ўвечары ў Іран вылеціць самалёт з экспертамі і пошукава-ратавальнай групай для расследавання, а таксама ідэнтыфікацыі і рэпатрыяцыі целаў загінулых пры крушэнні ўкраінскага пасажырскага самалёта, паведаміў прэзідэнт Украіны Уладзімір Зяленскі.
Ён адзначыў, што ў Тэгеран адправяцца прадстаўнікі Дзяржаўнай службы Украіны па надзвычайных сітуацыях, Мінабароны, МЗС, МУС, СБУ, Рады нацыянальнай бяспекі і абароны, Дзяржаўнай авіяцыйнай службы, Нацбюро па расследаванні авіяцыйных здарэнняў і інцыдэнтаў з грамадзянскімі паветранымі судамі і супрацоўнікі «Міжнародных авіяліній Украіны».