Тунберг, Трамп, Цукерберг. «Time» назваў прэтэндэнтаў на званне «Чалавек года»
09.12.2019 / 23:03
Амерыканскі часопіс Time раскрыў шорт-ліст прэтэндэнтаў на званне «Чалавек года».
На званне самага ўплывовага чалавека 2019 года па версіі часопіса могуць прэтэндаваць: старшыня Палаты прадстаўнікоў кангрэса ЗША Нэнсі Пэлосі; заснавальнік Facebook Марк Цукерберг; прэзідэнт ЗША Дональд Трамп; амерыканская футбалістка Меган Рапіна; тайны інфарматар разведкі ЗША, які падаў скаргу на Трампа пасля яго тэлефоннай размовы з Зяленскім; старшыня Кітая Сі Цзіньпін; прэм'ер-міністр Новай Зеландыі Джасінда Ардэрн; актывістка Грэта Тунберг; удзельнікі пратэстаў у Ганконгу; асабісты адвакат Трампа Рудольф Джуліяні.
Вокладка часопіса за 2016 год.