На М1 загінула 18-гадовая кіроўца: не паспела зрэагаваць на фуру, што прытармазіла
06.09.2019 / 23:50
Дзяўчына загінула ў ДТЗ у Стаўбцоўскім раёне Мінскай вобласці, паведамляе міліцыя.
Аварыя адбылася каля 17.40 на 284-м км трасы М1 у напрамку Мінска. 18-гадовая дзяўчына за рулём аўтамабіля Fiat не паспела перастроіцца перад фурай, што спынілася. Яе вынесла на сустрэчную паласу, а там у правы бок урэзалася Skoda.
У выніку ДТЗ дзяўчына загінула на месцы. Кіроўцу Skoda для абследавання даставілі ў бальніцу. Папярэдне вядома, што кіроўцы былі цвярозыя.