Паліттэхнолаг Зяленскага ўзначаліў украінскі парламент
29.08.2019 / 16:01
На першым пасяджэнні новага склікання Вярхоўнай Рады Украіны яе старшынёй абраны кіраўнік прэзідэнцкай партыі «Слуга народа» 35-гадовы паліттэхнолаг Дзмітрый Разумкоў.
Фота: РБК-Україна.
Прызначэнне Разумкова спікерам парламента падтрымалі 382 дэпутаты пры неабходным мінімуме ў 226 галасоў.
Разумкоў, які быў прадстаўніком выбарчага штаба і паліткансультантам Уладзіміра Зяленскага падчас прэзідэнцкіх выбараў, узначаліў партыю «Слуга народа» пасля ўступлення апошняга на пасаду кіраўніка дзяржавы ў маі гэтага года.