Медалі для летніх Алімпійскіх гульняў 2020 года ў Токіа зробяць з перапрацаваных тэлефонаў і планшэтаў
Арганізатары Алімпійскіх гульняў у Токіа 2020 года прадставілі дызайн медалёў, вырабленых з адмысловых сплаваў з выкарыстаннем металаў, атрыманых са старой бытавой электронікі.
27.07.2019 / 23:58
На кожным з медалёў намалявана эмблема Алімпіяды ў Токіа з традыцыйным японскім малюнкам «імітызу», а на адваротным баку — старажытнагрэчаская багіня Ніка. Аўтарам дызайну медалёў стаў японец Дзюніці Каванісі.
Вага кожнай з узнагарод складае каля 550 грамаў.
Больш за 78 тон прыладаў было сабрана для ўтылізацыі, гэта — 6,2 мільёнаў мабільных тэлефонаў, а таксама камеры, кансолі і ноўтбукі.
Да 31 сакавіка арганізатары сабралі неабходную колькасць металаў — 30 кілаграмаў золата, 4,1 тоны срэбра і 2,7 тоны бронзы.