Зяленскі хоча правесці Алімпіяду ва Украіне

16.07.2019 / 13:29

Прэзідэнт Украіны Уладзімір Зяленскі загадаў распрацаваць стратэгічны план, каб прэтэндаваць на правядзення Алімпійскіх гульняў.

«Нам патрэбны пэўны план, што мы, скажам, гатовыя за 3-4 гады ўсё пабудаваць, і тады можам быць у чарзе і прыняць Алімпіяду», — цытуе словы Зяленскага яго прэс-служба. «Мы павінны быць амбітнымі».

Прэзідэнт Украіны прапанаваў даць заданне «нашым хлопцам», каб яны знайшлі інвестыцыі для пабудовы патрэбных для Алімпіяды спартовых аб’ектаў. Укласціся мусіць і дзяржаўны бюджэт.

«Трэба хаця б намагацца гэтага дасягнуць», — сказаў Зяленскі.

Найбліжэйшыя Алімпійскія гульні, на правядзенне якіх можа падаваць заяўку Украіна — гэта зімовая Алімпіяда 2030 г. ці летняя 2032 г.

Nashaniva.com; фота Wikipedia Commons