У Рагачове дзяўчынка засунула руку ў гульнявы аўтамат з цацкамі і не змагла дастаць
22.05.2019 / 22:56
21 мая ў Рагачове дзяўчынка засунула руку ў аўтамат з цацкамі і не змагла дастаць, паведамляе МНС.
Пасля прыбыцця на месца выкліку ратавальнікаў аказалася, што 9-гадовая дзяўчынка пацягнулася за скакуном ў апарат, і зваротны клапан заціснуў левую руку. Самастойна дастаць руку дзяўчынка не змагла.
Работнікі МНС пры дапамозе слясарнага інструмента разабралі апарат і дапамаглі дзяўчынцы дастаць руку.