Парашэнка пра першыя крокі Зяленскага: Кадэнцыя пачалася з парушэння Канстытуцыі
22.05.2019 / 18:59
Былы прэзідэнт Украіны Пятро Парашэнка лічыць, што дзеючы прэзідэнт Уладзімір Зяленскі пачаў сваю кадэнцыю з парушэння Канстытуцыі Украіны.
«На сёння мы бачым, што палажэнні Канстытуцыі не былі выкананыя — гэтая каманда пачала дзейнасць з парушэння Асноўнага Закона. Гэта сапраўды непакоіць», — напісаў Парашэнка ў Twitter.
Паводле яго слоў, Вярхоўную Раду можна распусціць пры наяўнасці абгрунтаваных падстаў, а не як гэтага хоча прэзідэнт.
Парашэнка таксама рэзка раскрытыкаваў выбарчую ініцыятыву Зяленскага аб адмене мажарытарнай сістэмы парламенцкіх выбараў.