У Паўднёвай Афрыцы невядомы ўдарыў Шварцэнэгера нагой у спіну ВІДЭА

19.05.2019 / 16:52

У Паўднёвай Афрыцы на амерыканскага акцёра і экс-губернатара Каліфорніі Арнольда Шварцэнэгера напаў невядомы.

Акцёр прысутнічаў на дзіцячых спаборніцтвах па скачках са скакалкай. Ён пачаў здымаць відэа з дзецьмі. У гэты час да яго спрабаваў падысці невядомы мужчына, аднак ахова не пускала яго.

Праз некаторы час зламыснік падбег з разгону да Шварцэнэгера і ўдарыў яго нагамі ў спіну. Акцёр упаў. Ахова затрымала нападніка.

BREAKING: Arnold Schwarzenegger attacked at an event in South Africa; suspect taken away by security. Schwarzenegger appeared to be OK. pic.twitter.com/MRmUgeFVVp

— BNO News (@BNONews) 18 мая 2019 г.

Пазней у Twitter акцёр падзякаваў усім за турботу.

«Дзякуй за хваляванні, але турбавацца няма пра што. Я думаў, што мяне штурхае натоўп, што часта здараецца. Я толькі зразумеў, што мяне ўдарылі, калі ўбачыў відэа», — паведаміў акцёр.