Minkultury Rasii vydatkuje $340 tysiač na mierapryjemstvy RPC u Biełarusi

13.05.2019 / 13:45

Ministerstva kultury Rasii abviaściła adkryty konkurs na akazańnie pasłuh pa arhanizacyi i praviadzieńni 21 mierapryjemstva duchoŭnaha charaktaru ŭ Biełarusi z nahody Dzion Rasii. Bahasłoŭskaja kanfierencyja, duchoŭnyja kinapakazy i vystupleńnie carkoŭnaha choru, jak śćviardžaje viedamstva, dapamohuć uzajemavyhadnamu supracoŭnictva pamiž krainami SND, paviedamlajuć Adkrytyja miedyi.

Pačatkovy košt kantraktu — 22 młn rubloŭ (340 tysiač dalaraŬ). Pa jaho ŭmovach, mierapryjemstvy pavinny prajści da 20 śniežnia 2019 hoda. Va ŭsich ich abaviazkova prymuć udzieł pradstaŭniki Ruskaj pravasłaŭnaj carkvy i pałomnickich centraŭ, a taksama rasijskija dziejačy kultury. Raźmiaščać ich buduć u biełaruskich hatelach katehoryi 3 i 4 zorki.