Навукоўцы знайшлі від птушак, які знік некалькі дзясяткаў тысяч гадоў таму
11.05.2019 / 10:02
Навукоўцы з Універсітэта Портсмута і Музея натуральнай гісторыі Вялікабрытаніі зафіксавалі унікальны выпадак «паўстання з мёртвых». Гаворка ідзе пра птушак, якія зніклі некалькі дзясяткаў тысяч гадоў таму.
Кювьераў пастушок, па памеры супастаўны з курыцай, пражываў на атоле Альдабра на Сейшэльскіх выспах. Калі востраў пайшоў пад ваду, усе прадстаўнікі віду загінулі, паколькі не ўмелі лятаць.
Прыблізна 100 тысяч гадоў таму ўзровень вады апусціўся назад і востраў зноў падняўся на паверхню. І зусім нядаўна даследчыкам удалося выявіць на ім «свежыя» астанкі даўно вымерлага віду, што выклікала нямала пытанняў.
Як аказалася, усяму віной ітэратыўная эвалюцыя — асобны выпадак паралельнай эвалюцыі, сутнасць якога ў тым, што адзін і той жа від можа развіцца ад агульнага продка, але ў розны час.
Пасля ўзняцця выспы з марскіх глыбінь прабацька птушкі зноў прыляцеў на атол і зноў эвалюцыянаваў у нелятаючую птушку, паколькі на востраве няма прыродных ворагаў.