Крэмль адказаў на словы Гройсмана аб расійскіх пашпартах для Данбаса
«Расею не спыняць заявы ўкраінскіх уладаў пры выдачы расейскага грамадзянства жыхарам самаабвешчаных рэспублік Данбаса», — як перадае карэспандэнт РБК, заявіў прэс-сакратар Крамля Дзмітрый Пяскоў.
08.05.2019 / 14:29
«Якая можа быць рэакцыя Крамля? Крэмль працягне выдаваць пашпарты тым грамадзянам, якія гэта пажадаюць, якія падпадаюць пад дзеянне прэзідэнцкага ўказу», — падкрэсліў ён.
8 мая прэм'ер Украіны Уладзімір Гройсман заявіў, што Кіеў не будзе прызнаваць расійскіх пашпартоў, выдадзеных жыхарам ЛНР і ДНР. Гэтыя дакументы ён назваў фэйкавымі. «Мы ніколі не прызнаем якога-небудзь грамадзянства, якое выдае краіна-агрэсарка. Ведаеце, як нацысцкая Германія выдавала для тых ці іншых людзей», — сказаў прэм'ер.
Гройсман падкрэсліў, што ўкраінскі пашпарт «ёсць сімвалам свабоды і дэмакратыі». Таксама ён паабяцаў звярнуцца да краін-партнёрак Украіны з просьбай прызнаць гэтыя дакументы несапраўднымі і ў іншых краінах.