Jak ciapier vyhladaje raźviazka na Dziaržynskaha, jakaja adkryjecca praz tydzień i razhruzić ruch u centry Minska ŠMAT FOTA
01.05.2019 / 12:26
Na skryžavańni praśpiekta Dziaržynskaha i Pieršaha transpartnaha koła skančvajecca budaŭnictva dvuchuzroŭnievaj raźviazki.
U čym važnaść jaje źjaŭleńnia? Raźviazka dapamoža razhruzić centr Minska ad tranzitnaha transpartu.
Ciapier dla aŭtamabilistaŭ, jakija jeduć ad płoščy Pieramohi ŭ bok Malinaŭki, budzie praściej jechać pa Pieršym kole, a nie praz praśpiekt Niezaležnaści ci Niamihu.
Daroha budzie trochi daŭžejšaj — 6 kiłamietraŭ zamiest 4 kiłamietraŭ, ale bolš chutkaj.
Stary šlach
Novaja alternatyva
Pa słovach rabočych, ruch pa novaj darozie budzie adkryty 10 albo 11 maja.
Na praśpiekcie Dziaržynskaha, jaki prachodzić pad raźviazkaj, užo pakładzieny asfalt, zastałosia nanieści raźmietku.
Na vierchnim jarusie pracy zastałosia bolš. U niekatorych miescach tut jašče navat nie ŭkładziena plitka na tratuarach.
Paśla taho, jak raźviazka budzie adkrytaja, raboty praciahnucca. Kab skončyć budaŭnictva Pieršaha transpartnaha koła, treba złučyć isnujučuju darohu z vulicaj Tałstoha. Dabudavać treba jašče kala 400 mietraŭ.