Сужыцелі пасварыліся: 17-гадовага жыхара Беларусі выслалі з Эстоніі праз пратэрмінаваную візу

27.12.2018 / 19:40

Патруль нарвскага аддзялення паліцыі 26 снежня, які прыехаў на месца сваркі сужыцеляў, высветліў, што ў 17-гадовага жыхара Беларусі пратэрмінавана віза на 71 дзень. Маладога чалавека выслалі з Эстоніі і забаранілі ўезд у краіну, паведамляе ERR.

Як паведаміла ідаская прэфектура, паліцыя даставіла маладога чалавека на мяжу з Расіяй. Яго аштрафавалі і забаранілі ўезд у Эстонію на адзін год.