Віктар Пракапеня падумвае набыць футбольнае мінскае «Дынама»
07.12.2018 / 15:08
Бізнэсмен Віктар Пракапеня прыглядаецца да футбольнага мінскага «Дынама». Пра гэта «Нашай Ніве» паведамілі крыніцы з яго асяроддзя.
Віктар Пракапеня. фота Сяргея Гудзіліна.
«Пракапеня заўсёды марыў мець свой футбольны клуб. Таму, магчыма, у будучыні і купіць, неабавязкова мінскае «Дынама», — кажуць дасведчаныя людзі.
Пакуль клуб належыць бізнэсмену Юрыю Чыжу, аднак той шукае магчымасці пазбавіцца ад актыву.
Як паведамляе Tut.by, «Трайплу» належала каля 57% акцый мінскага «Дынама», прыкладна 26% валодае Мінгарвыканкам. Па інфармацыі крыніц выдання, Юрый Чыж не хацеў бясплатна аддаваць клуб, прасіў хаця б $500 тысяч.