У Мінску ледзь не лінчавалі кіроўцу, які дзяўчыну падбіў
Гэта здарылася 5 снежня ўвечары на вуліцы Кунцаўшчына. Вадзіцель даваў задні ход і, не скмеціўшы, прыціснуў да муру 22‑гадовую дзяўчыну.
06.12.2008 / 19:59
Гэта здарылася 5 снежня ўвечары. Прыкладна а 22‑й гадзіне 27‑гадовы кіроўца «Альфа‑Рамэа», выпіўшы, надумаў развярнуцца. Гэта было ў двары 193‑й школы, што на вуліцы Кунцаўшчына. І, не скмеціўшы, прыціснуў да муру 22‑гадовую дзяўчыну. Блага: ён пераламаў ёй сядалішчную костку.
Здарэнне бачылі трое юнакоў. І так яны разгнявіліся на лайдака, што збілі яго на горкі яблык.
У выніку і дзяўчыну, і п’яніцу даставілі ў шпіталь. Вінаваты ў здарэнні атрымаў чэрапна‑мазгавую траўму сярэдняй цяжкасці і пабоі розных частак цела. Відавочцаў ДТЗ забралі ў Фрунзенскае РУУС.