Загінуў гендырэктар «MTV у Беларусі»
Сёньня ў Менску адбылося пахаваньне Максіма Сямёнава.
24.10.2008 / 15:54
24 кастрычніка на Кальварыйскіх могілках у Мінску адбылося пахаванне генеральнага дырэктара кампаніі «MTV у Беларусі» Максіма Сямёнава.
Як паведаміў БелаПАН генеральны прадзюсер кампаніі Валянцін Грышко, 31‑гадовы Максім Сямёнаў трапіў у ДТЗ 21 кастрычніка і на наступны дзень памёр у бальніцы ад атрыманых траўм. У яго засталіся жонка і 4‑гадовая дачка.
Аб падрабязнасцях аварыі БелаПАН расказалі ва Упраўленні ДАІ ГУУС Мінгарвыканкама.
ДТЗ адбылося ў аўторак у 11.30. М.Сямёнаў, калі праязджаў па вуліцы Арлоўскай на матацыкле, перастроіўся ў першую паласу руху, але не справіўся з кіраваннем і ўрэзаўся ў апору ліхтара. Дакладная прычына аварыі пакуль не ўстаноўлена, вядзецца расследаванне.