У Індыі школьны аўтобус зваліўся ў прорву: загінулі па меншай меры 27 дзяцей ФОТА

09.04.2018 / 21:26

У паўночным штаце Індыі Гімачал-Прадэш школьны аўтобус прыватнай школы, які развозіў дзяцей па хатах, зляцеў у прорву, паведамляе The Times of India.

Паведамляецца, што ў выніку інцыдэнту па меншай меры 30 чалавек, сярод якіх 27 дзяцей, загінулі. Сярод загінуўшых таксама 67-гадовы кіроўца і дзве настаўніцы. Акрамя таго, ёсць імавернасць, што колькасць ахвяр можа ўзрасці, таму што многія вучні застаюцца заблакаванымі сярод абломкаў аўтобуса. Зараз працягваецца выратавальная аперацыя.