«Крумкачам» адмоўлена ў ліцэнзаванні для вышэйшай лігі
06.03.2018 / 13:40
Сёння прайшло пасяджэнне апеляцыйнага камітэта АБФФ, на якім разглядалася апеляцыя «Крумкачоў» з нагоды адмовы дапусціць клуб да працэдуры ліцэнзавання для ўдзелу ў вышэйшай лізе.
Камітэт па клубным ліцэнзаванні адхіліў апеляцыю клуба. «Крумкачы» будуць падаваць чарговую апеляцыю ў арбітражны суд.
Раней, 26 лютага «Крумкачоў» не дапусцілі да праходжання ліцэнзавання.
Нагадаем, без праходжання ліцэнзавання «Крумкачы» змогуць заявіцца толькі ў другую лігу. Месца ў вышэйшай лізе можа заняць мінскае «Тарпеда».