Pasłuchajcie, jak pavinšavaŭ z Hodam sabaki Uładzimir Niaklajeŭ

30.12.2017 / 14:55

Vybitny biełaruski paet nazvaŭ svoj vierš-vinšavańnie «Sabačaje ščaście».

Pažadaj mnie što-niebudź,
što možaš siastry, abo bratu
Pažadać na Kalady… Ja navat nie viedaju, što?
Navahodniaja jełka mirhaje — 
i doŭžacca śviaty,
I stralaje 
z šampanskaha korak
nad rekłamaju «supierłato».

Moža być, mnie bilecik nabyć?..
Jość ža ŭ śviecie šalonaja ŭdača,
niečakanaje ščaście,
što čakaje mianie adnaho!..

Ale chto
u padvorku
pad jełkaj 
zadušliva płača?..
Pahladzieŭ — tam ščania. 
I prynios ja dachaty jaho.

Kali śviata va ŭsich — i ŭ sabaki pavinna być śviata!..
Jon sahreŭsia, pajeŭ,
nie ździviŭšysia ščaściu svajmu…
Kali raptam udača
praminie ŭ Novy hod 
tvaju chatu, 
dyk sabaku
u chatu vaźmi… I paščaścić tabie, jak jamu!