Паплывём: у аўторак — да 7 градусаў цяпла
У Беларусі 26 снежня чакаецца пацяпленне, паведамілі БЕЛТА ў Рэспубліканскім цэнтры па гідраметэаралогіі.
25.12.2017 / 13:09
Фота Волі Афіцэравай.
Будзе воблачна з праясненнямі.
Ноччу пераважна па паўночна-ўсходняй частцы краіны прагназуюцца дождж і мокры снег. На асобных участках дарог — галалёдзіца.
Днём пераважна без ападкаў. Вецер заходні парывісты.
Тэмпература паветра ўначы — ад мінус 2 да плюс 4 градусаў цяпла. Днём будзе ад 2 да 7 градусаў вышэй за нуль.