Міхалевіч у «БелДумцы»: «У склад парлямэнту зможа ўвайсьці нямала апанэнтаў улады»
Былы намесьнік старшыні Партыі БНФ Алесь Міхалевіч падчас круглага стала ў рэдакцыі часопісу «Беларуская думка» досыць пазытыўна ацаніў хаду парлямэнцкай кампаніі.
12.09.2008 / 21:00
Былы намесьнік старшыні Партыі БНФ Алесь Міхалевіч падчас круглага стала ў рэдакцыі часопісу «Беларуская думка» досыць пазытыўна ацаніў хаду парлямэнцкай кампаніі.
На думку Міхалевіча, атмасфэра выбараў зьмянілася ў параўнаньні з папярэдняй. У выпадку сумленнага падліку галасоў «ў склад новага парлямэнту зможа ўвайсьці нямала апанэнтаў цяперашняй улады», — лічыць А. Міхалевіч.
Зрабіў палітык рэвэранс у бок эканамічнай палітыкі ўладаў. Ён ацаніў удалыя крокі ўраду ў эканоміцы — лібэралізацыю эканамічнага заканадаўства, спрыяньне прадпрымальнікам у рэгіёнах, скасаваньне «залатой акцыі». На ягоную думку, менавіта эканоміка — неабходнасьць мадэрнізацыі краіны — агульная тэма, якая хвалюе і ўлады, і апазыцыю.