Большасць затрыманых на Кастрычніцкай адпусцілі без складання пратаколаў
26.03.2017 / 18:18
Амаль усіх удзельнікаў сённяшняй акцыі пратэсту на Кастрычніцкай плошчы вызвалілі з Цэнтральнага РУУС Мінска без складання пратаколаў, паведамляюць праваабаронцы.
Аднак ёсць і выключэнні. Кіраўнік «Арт Сядзібы» Павел Белавус быў затрыманы на плошчы разам з цяжарнай жонкай Кацярынай Маковіч. Жонку пасля выпусцілі з РУУС, а на Паўла склалі пратакол аб адміністратыўным правапарушэнні. Цяпер Белавус знаходзіцца ў ізалятары на Акрэсціна.