60 моў свету на V Мінскім фестывалі моў — ужо 26 сакавіка 

23.03.2017 / 17:10

Няхай пачнецца фестываль!

26 сакавіка 2017 года на філалагічным факультэце БДУ пройдзе V Мінскі фестываль моў. А ўсё таму, што амаль тысяча (!) гасцей мінулага фэсту ўжо паспела змаркоціцца па ўнікальнай для Мінска магчымасці за адзін дзень пазнаёміцца з самымі незвычайнымі мовамі нашай планеты ў самай эфектыўнай форме — весела і займальна.

V Мінскі фестываль моў — гэта:

• цалкам бясплатнае мерапрыемства

• 45-хвілінныя лекцыі-прэзентацыі 60 моў свету;

• цікавыя навукова-папулярныя лінгвістычныя лекцыі,

• незвычайныя лекцыі па гісторыі і культуры Беларусі;

• размоўныя клубы;

• моўныя гульні;

і самае галоўнае:

• 80 прэзентатараў, лектараў і валанцёраў, поўныя розуму вочы якіх гараць любоўю да сваёй справы і жаданнем падзяліцца ведамі з публікай!

Таму хуценька запаўняйце форму АБАВЯЗКОВАЙ анлайн-рэгістрацыі і прыходзьце ў нядзелю 26 сакавіка на філалагічны факультэт БДУ (вул. Карла Маркса, 31).

Пазнаёміцца са спісам моў і лекцый, прачытаць анонсы выступаў, даведацца пра расклад, адрас і атрымаць іншую інфармацыю можна на афіцыйным сайце Мінскага фестывалю моў і ў суполках фестывалю «УКантакце» і ў Фэйсбуку.