Дацкую школьніцу, якая прыняла іслам, западозрылі ў падрыхтоўцы тэракту
08.03.2016 / 20:00
Следчыя органы Даніі прад'явілі 16-гадовай мясцовай жыхарцы абвінавачванне ў падрыхтоўцы тэракту.
Паводле звестак праваахоўных органаў, яна планавала зладзіць выбухі ў двух школах, адна з якіх — габрэйская.
У якасці другога абвінавачанага па справе праходзіць 24-гадовы знаёмы дзяўчыны, які, як мяркуецца, ваяваў у Сірыі. Паводле звестак дацкіх СМІ, дзяўчына прыняла іслам.
Абодвух абвінавачаных затрымалі ў студзені. У іх знайшлі хімікаты, з якіх яны, як меркуецца, спрабавалі вырабіць выбухоўку. Віну затрыманыя не прызналі.