Лукашэнкаўцы хваляцца 500 тысячамі сабраных подпісаў
05.08.2015 / 16:04
Міхаіл Орда, кіраўнік ініцыятыўнай групы Аляксандра Лукашэнкі, заявіў пра 500 тысяч сабраных подпісаў у падтрымку свайго кандыдата.
«Цікавасць да выбараў у беларусаў ёсць, яна досыць вялікая. Гэта людзі абсалютна розных узростаў: моладзь, рабочыя, служачыя, пенсіянеры. Сёння выбарамі цікавяцца ўсе ўзроставыя катэгорыі. І актыўнасць не падае, а ўзрастае. Характэрна, што людзі не толькі ставяць подпісы, але і дзеляцца думкамі, выказваюць прапановы, заўвагі», — патлумачыў ён карэспандэнту БелТА.
У 2010 годзе за Лукашэнку было зарэгістравана 1 110 149 подпісаў, у 2006 — 1 905 631 подпіс.
Праваабаронцы адзначаюць, што подпісы ў падтрымку кіраўніка краіны збіраюцца з прыцягваннем адміністратыўнага рэсурсу.