Жыхары Гомеля купляюць ваду для забастоўшчыкаў-кітайцаў
02.07.2015 / 16:02
Страйкоўцы-кітайцы, што выйшлі з Добруша сёння ўранку, прайшлі ўжо палову Гомеля. Дзяўчаткі на вуліцах купляюць для іх ваду ў краме: выглядаюць кітайцы зморанымі і змучанымі, паведамляе карэспандэнт «Нашай Нівы» Аляксандр Вялітчанка.
Кітайцы патрабуюць выплаты запазычанасці па заробках.
Па іх словах, будаўнікам ужо тры месяцы не плацілі заробку.
Паводле нашай інфармацыі, будаўнікі адмовіліся размаўляць з прадстаўнікамі аблвыканкама і кіруючай кампаніі. Яны не жадаюць ні з кім размаўляць, акрамя пасла Кітая ў Беларусі. Яны маюць намер дайсці да Мінска.