Барысаўчанку асудзяць за порна праз Viber
Ёй пагражае да 4 год турмы.
18.06.2015 / 14:06
Жыхарка Барысава 1973 года нараджэння будзе асуджаная за выраб і распаўсюд парнаграфічных матэрыялаў, паведамляе vborisove.by са спасылкай на прэс-службу Барысаўскага РУУС.
Жанчына адаслала праз Viber жонцы свайго каханка відэа з удзелам каханка і падпісала: «Пазнаеш?».
Такім чынам жанчына хацела адбіць мужчыну сабе. Атрымальніца паведамлення звярнулася ў міліцыю, хоць і хвалявалася, ці не пагражае за гэта нешта яе мужу. На сёння сямейная пара памірылася.
Экспертыза прызнала, што відэа ўтрымлівае элементы парнаграфіі. Аўтарцы паведамлення пагражае ад 2 да 4 год пазбаўлення волі згодна з ч.2 арт. 343 крымінальнага кодэксу РБ.