Rasijski kaśmičny aparat «Prahres» sa Ściaham Pieramohi vyjšaŭ z-pad kantrolu i pačaŭ padzieńnie
Sproby adnavić kantrol užo nie pradprymajucca.
29.04.2015 / 16:25
«Prahres». Fota: naked-science.ru
Kaśmičny hruzavik «Prahres M-27M» pačaŭ niekantralavany sychod z arbity, paviedamlaje RIA Novosti. Za sutki jon zhubiŭ niekalki dziasiatkaŭ mietraŭ vyšyni. Zapuścić ruchaviki, kab skarektavać arbitu, nie ŭdasca.
Jak śćviardžaje krynica RIA Novosti, dakładnyja čas i miesca padzieńnia frahmientaŭ «Prahresu» na Ziamlu možna budzie pradkazać tolki za niekalki hadzin.
Centr kiravańnia palotami pakul spyniŭ sproby adnavić suviaź z karablom.
Kaśmičny hruzavy karabiel «Prahres», što startavaŭ z Bajkanura 28 krasavika, padčas stykoŭki z MKS pačaŭ bieskantrolna krucicca. Za noč 29 krasavika apieratary nie zdoleli źviazacca z «Prahresam», kab spynić jaho kručeńnie.
Kanfuz tym bolšy, što dadzieny kaśmičny aparat pavinien byŭ dastavić na kaśmičnuju stancyju Ściah Pieramohi. Hety simvaličny akt byŭ šyroka anansavany ŭ rasijskich ŚMI. Kali stała viadoma pra stratu aparata, u tych samych ŚMI stali śćviardžać, što Ściah Pieramohi ŭžo dastavili na stancyju raniej, u sakaviku.