У палове правінцый Турцыі адключылася электрычнасць
У Турцыі адбылася маштабная энергетычная аварыя, у выніку якой у 40 з 81 правінцый краіны адключылася электрычнасць.
31.03.2015 / 14:18
Аварыя закранула не менш за 25 гарадоў, у прыватнасці, Анкару і Стамбул.
Reuters.com
У Стамбуле спыніліся метро і трамваі, на вуліцах утварыліся заторы з-за адключэння святлафораў.
З-за аварыі парушаныя паветраныя зносіны, паведамляецца пра адмену і затрымку рэйсаў у аэрапортах.
Прэм'ер-міністр Турцыі Ахмет Давутоглу назваў найбольш верагоднай прычынай адключэння электрычнасці збой у працы ліній электраперадачы, аднак не выключыў магчымасць дыверсіі.
Сярод гарадоў, якія закранула аварыя, — Анталья, Бурса, Дэнізлі, Трабзон, Эдырне, Эрзурум і Ізмір.