Startavaŭ art-aŭkcyjon u padtrymku kniharni «łohvinaŬ»

U Siecivie startavaŭ aŭkcyjon, meta jakoha padtrymać kniharniu «łohvinaŬ». Svaje pracy vystavili viadomyja biełaruskija i polskija mastaki.

27.02.2015 / 10:22

Praviadzieńnie aŭkcyjona inicyjavała polskaja mastačka Celina Kanuńnikava. Jak vyśvietliłasia, ideja lotała ŭ pavietry i na jaje adrazu ž adhuknulisia inšyja mastaki — Rusłan Vaškievič, Artur Klinaŭ, Uładzimir Ceśler, Aleś Kudrašoŭ, Aleś Puškin, Andrej Anro, Michaił Hulin dy inš.

Aŭkcyjon pravodzicca na bazie onłajn-płatformy aŭkcyjonaŭ, infarmacyja pra ŭsie łoty źmieščanaja na aficyjnym sajcie kampanii auction.savelohvinau.club. Usie hrošy, zaroblenyja na aŭkcyjonie, buduć naličvacca niepasredna na dabračynny rachunak kniharni «łohvinaŬ», jaki budzie paznačany ŭ rekvizitach łota.

Uvaha: pracy nabyć možna da 3 sakavika.

Kupicie tvory mastactva — vyratujcie biełaruskuju litaraturu!