Найлепшыя здымкі 2014 года паводле World Press Photo
Прэстыжны міжнародны конкурс World Press Photo назваў пераможцаў 2014 года.
12.02.2015 / 16:38
Найлепшым здымкам года прызнаны партрэт гомасэксуальнай пары «Джон и Алекс», зроблены ў Санкт-Пецярбурзе дацкім фатографам Мадсам Нісэнам у маі 2014 года.
JON AND ALEX, Mads Nissen
Як сцвярджаецца ў апісанні фота, жыццё лесбіянак, гомасэксуалаў, бісэксуалаў і транссэксуалаў становіцца ўсё больш цяжкай задачай у Расіі. Сэксуальныя меншасці сутыкаюцца з прававой і сацыяльнай дыскрымінацыяй, пераследам і нават гвалтоўнымі злачынствамі на глебе нянавісці з боку кансерватыўных рэлігійных і нацыяналістычных груп.
У мінулым годзе найлепшым фота стаў «Сігнал» амерыканскага фатографа Джона Стэнмейера, на якім афрыканскія ўцекачы спрабуюць датэлефанавацца да родных у Самалі. У 2013 годзе найлепшым фота быў прызнаны здымак загінулых палесцінскіх дзяцей Поля Хансэна.
ACCUSED, Liu Song
Фота з серыі MINDSUCKERS, Anand Varma
Выбарам рэдакцыі названы здымак «Абвінавачаная», на якім жанчына, падазраваная ў незаконным сэкс-гандлі, закаваная ў паліцэйскім участку, і серыя «Мазгасмокі», што распавядае пра жыццё паразітаў. Другое таксама названае лепшым сярод серый фота прыроды.
Пераможцы ў намінацыях:
Гарачыя навіны, здымак ISTANBUL PROTEST, Bulent Kilic
Гарачыя навіны, серыя CRIME WITHOUT PUNISHMENT, Jérôme Sessini
Галоўныя навіны, здымак KITCHEN TABLE, Sergei Ilnitsky
Галоўныя навіны, серыя EBOLA IN SIERRA LEONE, Pete Muller
Спорт, здымак THE FINAL GAME, Bao Tailiang
Спорт, серыя GROUND PASS HOLDERS, Kieran Doherty
Штодзённае жыццё, здымак THE BULL MARKET, Cai Sheng Xiang
Штодзённае жыццё, серыя MONGOLIA, BLACK GOLD HOTEL, Michele Palazzi
Партрэт, здымак LAURINDA, Raphaela Rosella
Партрэт, серыя MIRACLE VILLAGE, Sofia Valiente
Прырода, здымак MONKEY TRAINING FOR A CIRCUS, Yongzhi Chu
Доўгатэрміновыя праекты, серыя FAMILY LOVE 1993-2014, Darcy Padilla
Усе пераможцы на сайце World Press Photo >>>
Конкурс World Press Photo праводзіўся ў 58-ы раз. Журы ацаніла амаль 98 тысяч здымкаў ад 5692 фатографаў з 131 краіны свету.