Гурт Shuma ў патрыятычнай бялізне ФОТА
Удзельнікі этна-электроннага музычнага праекта Shuma зняліся ў бялізне «Роднае цела».
23.01.2015 / 14:35
У фотасэце ўзялі ўдзел лідар гурту Руся і музыка Аляксей Будзько. Абодва абралі чорныя мадэлі майткаў з залацістым «вышыванкавым» прынтом. Аўтар фота: Ганна Дрозд.
Гурт браў непасрэдны ўдзел у стварэнні бялізны. Узоры і іх тлумачэнні ўзятыя з вынікаў даследчыцкай працы, ініцыяванай вакалісткай гурту Shuma Русяй, фіналам якой стала табліца архаічных беларускіх сімвалаў.
Аб старце продажаў першай партыі бялізны «Роднае цела» кампанія Uzory абвесціла 21 студзеня. Акрамя мужчынскіх і жаночых майткаў плануюцца станікі спартовага тыпу, піжамы для дарослых і дзетак ды пасцельная бялізна.
Форма бялізны зробленая беларускімі прамысловымі дызайнерамі. Матэрыял — 95% бавоўна, 5% эластан. Прынты надрукаваныя воднай гіпаалергеннай фарбай альбо фальгой.
***
Пабачыць майткі можна ў офісе UZORY (Мінск, вул. Фабрычная, 22, офіс 48), папярэдне патэлефанаваўшы: +375 29 784 63 13; +375 29 666 76 47, альбо даслаўшы ліст на uzory.by@gmail.com.
Памеры майткаў:
Жаночыя: 40—52
Мужчынскія: 44—50