Trahiedyja na Navapołackaj CEC: zahinuli dva čałavieki

25.09.2014 / 22:32

Śledčym kamitetam Biełarusi raspačata kryminalnaja sprava pa fakcie hibieli pracoŭnych AAT «Biełenierharamnaładka» na padstavie č. 3 art. 306 KK (parušeńnie praviłaŭ achovy pracy).

Ab hetym paviedamiŭ načalnik addzieła infarmacyi i suviazi z hramadskaściu SK Siarhiej Kabakovič. 

Śledčymi praviedzieny šerah ahladaŭ na pradpryjemstvie. Pravodzicca kanfikacyja dakumientacyi, viaducca dopyty śpiecyjalistaŭ Navapołackaj CEC. Pryznačany ekśpiertnyja daśledavańni. Śledčaja hrupa praciahvaje pracu na miescy. 

Siońnia dniom na terytoryi Navapołackaj CEC (fiłijał RUP «Viciebskenierha») padčas vytvorčaści ramontnych rabot zahinuli dvoje pracoŭnych AAT «Biełenierharamnaładka». Pavodle papiaredniaj infarmacyi, jany pravodzili rekanstrukcyju paravoj turbiny. 

Dla akazańnia mietadyčnaj dapamohi na miesca zdareńnia skiravalisia śledčyja centralnaha aparata Śledčaha kamiteta Biełarusi, jakija majuć dośvied u rasśledavańni kryminalnych spraŭ pa faktach anałahičnych zdareńniaŭ.

BiełaPAN