Samsung больш не будзе пастаўляць ноўтбукі ў Еўропу
24.09.2014 / 16:34
Паўднёвакарэйская кампанія Samsung вырашыла спыніць пастаўку ноўтбукаў і хромбукаў у краіны Еўропы з-за падзення попыту на прадукцыю, перадае PC Advisor.
«Мы працягнем вывучаць рынкавыя ўмовы і ўносіць далейшыя карэкціроўкі для падтрымання канкурэнтаздольнасці ў катэгорыях ПК, якія развіваюцца», — заявіў прадстаўнік кампаніі.
Такім чынам Samsung паўтарыла прыклад японскай Sony, якая ў лютым 2014 абвясціла аб продажы бізнесу па выпуску персанальных камп'ютараў Vaio. Да сакавіка 2014 японская карпарацыя спыніла распрацоўку і продаж прылад пад маркай Vaio.
Рашэнне Sony спыніць выпуск ноўтбукаў прывяло да звальнення 5 тыс. супрацоўнікаў.