JeS adkłaŭ pryniaccie novych sankcyjaŭ suprać Rasii
08.09.2014 / 21:43
Jeŭrapiejski sajuz adkłaŭ zaviaršeńnie pracedury pryniaćcia novych sankcyj suprać Rasii. Jak paviedamlaje 8 vieraśnia Reuters sa spasyłkaj na dypłamatyčnuju krynicu, pryčynaj stała žadańnie niekatorych krain abmierkavać mahčymaść źniaćcia abmiežavańniaŭ u vypadku, kali pieramirje va Ukrainie zachavajecca.
Reuters.com
U paniadziełak krainy JeS płanavali ŭchvalić ŭviadzieńnie sankcyj suprać Rasii aŭtamatyčnaj piśmovaj praceduraj.
Jak paviedamiła ITAR-TASS jeŭrapiejskaja dypłamatyčnaja krynica, zhodu na ŭviadzieńnie sankcyj dali nie ŭsie krainy.
Dla abmierkavańnia situacyi spatrebiłasia sklikańnie pazapłanavaj sustrečy pasłoŭ 28 krain supolnaści.
Uviadzieńnie novaha pakieta sankcyj suprać Rasii adkładajecca ŭžo druhi raz.
JeS płanavaŭ uchvalić abmiežavańni ŭ minułuju subotu, ale ich pryniaccie było adterminavana z-za abvieščanaha pieramirja va Ukrainie.
Raniej u paniadziełak Reuters sa spasyłkaj na dypłamatyčnuju krynicu paviedamlała, što pad novyja sankcyi patrapiać kampanii «Rośnieft», «Hazpromnieft» i «Tranśnieft».