Aktyvisty «Pravaha siektara» zakinuli adeskaha čynoŭnika ŭ śmietnicu VIDEA
07.09.2014 / 13:36
Kiraŭnika adeskaha abłasnoha Fondu sacyjalnaha strachavańnia schapili padčas atrymańnia chabaru, adnak jamu ŭdałosia zachavać pracoŭnaje miesca. Aktyvisty «Pravaha sektara» vyrašyli dadatkova pakarać vinavataha čynoŭnika. Aktyvisty padpilnavali mužčynu la pracy, schapili jaho i pasadzili ŭ bak sa śmiećciem.
Na minułym tydni Aleha Rudenku zatrymali supracoŭniki SBU, kali toj atrymlivaŭ chabar. Pavodle ŭkrainskich specsłužbaŭ, Rudenka patrabavaŭ «adkaty» ad kiraŭnikoŭ dziciačych letnikaŭ. Tyja, chto davaŭ chabar, moh raźličvać na dziaržaŭnyja hrošy, jakija majuć być skiravanyja na azdaraŭleńnie dziaciej, u tym liku evakujavanych z Danbasu.
Rajonny sud pastanaviŭ na čas sudovaha raźbiralnictva adchilić Rudenku ad pasady, adnak toj padaŭ apelacyju, zapłaciŭ štraf i pa-raniejšamu chadziŭ na pracu.