Cамая танная кватэра Мінска падаражэла да $45 тысяч
Яшчэ квартал таму за гэтае жыллё ў прамысловым раёне прасілі на $5 тысяч менш.
15.08.2013 / 15:09
Наколькі даражэе сталічная нерухомасць, можна адсачыць на прыкладах канкрэтных кватэр, выстаўленых на продаж.
Тры месяцы таму «Наша Ніва» пісала пра кошт самага таннага жылля ў Мінску. З
а аднапакаёўку плошчай 25,3 м² на вуліцы Мініна ў двухпавярховіку, пабудаваным у 1948 годзе, з «нармальным рамонтам» і драўлянымі падлогамі, тады прасілі $40 тысяч.
Нягледзячы на адсутнасць попыту, кватэра працягвала даражэць.
Яе цана ўжо дарасла да $45 тысяч.Пры гэтым жыллё на Мініна засталося самым танным у сталіцы — астатнія недарагія кватэры альбо распрадаліся, альбо падаражэлі яшчэ больш.
На другім месцы ў рэйтынгу самых танных кватэр знаходзіцца аднапакаёўка за $47 тысяч у раёне вуліцы Мендзелеева (прадавалася за $45 тысяч). Яе цана выглядае невысокай — такую самую кватэру ў суседнім доме прадаюць на $5 тысяч даражэй.
За ўсе астатнія кватэры ў Мінску давядзецца аддаць як мінімум $50 тысяч.