У падмаскоўным горадзе Чэхаве забілі беларуса
Яго чатыры разы ўдарыў нажом сабутэльнік.
07.03.2013 / 18:04
Жорсткае забойства грамадзяніна Беларусі было здзейснена ў цэнтры Чэхава раніцай 4 сакавіка.
Гастарбайтэр з Беларусі памёр у машыне "хуткай" пасля таго, як яго чатыры разы ўдарыў нажом сабутэльнік.
Як распавялі супрацоўнікі следчых органаў, канфлікт адбыўся ў пяціпавярхоўцы на вуліцы Чэхава раніцай 4 сакавіка. Адну з кватэр у доме здымалі сямёра прыезджых з Беларусі і Расіі, усе яны працавалі на будоўлях Чэхава.
Кампанія падабралася вельмі неспакойная, мужчыны часта выпівалі і сварыліся. Чарговая такая папойка з высвятленнем адносін прывяла да фатальных наступстваў. Грамадзяніну
Беларусі, якому суседзі па кватэры пастаянна рабілі заўвагі за неахайнасць і схільнасць да крадзяжоў, адзін з іх нанёс 4 нажавыя раненні.Пацярпеламу выклікалі "хуткую", аднак выратаваць яго так і не атрымалася.
Падазраваны ў забойстве цяпер знаходзіцца ў раённай бальніцы - яго моцна збілі шакаваныя уседзі па здымнай кватэры.
Па факце забойства заведзеная крымінальная справа, вядзецца следства.